Pagtulon-an sa mga Kristianos

Laktud nga Kasayuran sa Pagtulon-an sa Mga Kristianos

Pangutana: Kristiano ka ba?
Tubag: Oo, tungud sa kalooy sa Dios.

Pangutana: Nganong moingon ka nga kristiano tungud sa kalooy sa Dios?
Tubag: Kay dili ako takus mahimo nga kristiano kon wala pa unta malooy ang Dios kanako.

Pangutana: Unsay kahulogan sa ngalan nga kristiano?
Tubag: Ang tawo nga binunyagan nga mitoo sa mga pagtulon-an ni Jesucristo ur sa Santa
Iglesia.

Pangutana: Unsay timaan sa mga kristiano?
Tubag: Ang Santa Krus kay maoy gikamatyan sa atong Ginoong Jesucristo.

Pangutana: Unsay katungdanan sa kristiano nga unahon gayud niya pagtuman?
Tubag: Ang panghibalo niya nga gibuhat siya sa Dios niining kinabuhi aron magsilbi o mag-
alagad Kaniya ug unya sa katapusan mahiagum sa Iyang ginharian sa Langit.

Pangutana: Unsay ikasilbi o ika-alagad sa kristiano sa Dios aron sia makakita sa Dios ug
mahiagum sa ginharian sa Langit?
Tubag: Ang pagtoo sa Dios, paglaum, paghigugma Kaniya ug ang mga maayong buhat.

Pangutana: Pipila kabuok ang mga pangadyeon nga takus hibaloan sa kristiano kay kon dili
makasala sia ug mortal?
Tubag: Lilima. Ang nahauna: ang Amahan Namo; ang ikaduha: Mitoo Ako; ang ikatolo:
Mga Sugo sa Dios; ikaupat: Mga Sugo sa Atong Inahan Santa Iglesya
Katoliko; ug ikalima: Ang Mga Sakramento.

Pangutana: Nan, kon daw gisag-ulo na lamang niya arang na ba kaha kadto?
Tubag: Dili man kon wala niya hibaloi ang kasayuran, makasala gani sia ug daku sa
atubangan sa Dios.

Pangutana: Unsay Dios?
Tubag: Ang Dios maoy usa ka Espiritu nga Putli Makagagahum ug Magbubuhat sa ngatanan
humtag sa paghimaya sa langit sa mga matarong cristiano, ug magbabalus sa mga
kasakitan sa infierno sa mga dautang cristianos ug sa dili man usab mga cristianos.

Pangutana: Hain ang Dios?
Tubag: Ang Dios atua sa Langit, ug sa yuta ug sa tibuok nga kalibutan ingon man sa
kabtangan ngatanan.


to be continued. keep posted.